HL 062

1. JESUS, WAT MY SIEL BEMIN,
   LAAT MY AAN U BOESEM LEUN,
   AS DIE WATERVLOED BEGIN,
   AS DIE ONWEER BREEK EN DREUN! 
   DEK MY, HEILAND, LEI MY VOORT,
   WYL DIE LEWENSTORME WOED,
   VEILIG DEUR DIE DONK'RE POORT,
   TOT EK U HIERNA ONTMOET! 

2. ANDER SKUILPLEK HET EK GEEN,
   TOT U KOM EK HULPELOOS!
   LAAT, O LAAT MY NIE ALLEEN,
   WEES U STEEDS MY STEUN EN TROOS!    
   OP U, HEER, WIL EK VERTROU,
   U ALLEEN KAN HULP VERSTREK;
   WEERLOOS IS MY HOOF, O HOU
   DEUR U VLEUELS MY GEDEK! 

3. U, O HEILAND, IS MY LUS,
   U ALLEEN BEVREDIG MY!
   U BIED AAN VERMOEIDES RUS;
   MAAK GEBONDENIS WEER VRY. 
   U IS REINE HEILIGHEID,
   EK HELAAS SOOS SNOOD BEVLEK;
   U VOL HEIL EN HEERLIKHEID,
   EK MET SKULD EN SMET BEDEK. 

4. U GENA IS SONDER PEIL,
   AL MY SONDE WIS U UIT;
   LAAT DIE WATERS VAN U HEIL
   'N FONTEIN IN MY ONTSLUIT! 
   LAAT MY UIT U BRONNE VRY
   PUT DIE VOLLE SALIGHEID;
   DAT U HEILFONTEIN IN MY
   OPSPRING TOT IN EWIGHEID!